Sep 13

රෝගාතුරව මිය ගියේ යැයි පැවසූ 81 හැවිරිදි කාන්තාව, ඇයගේ පුත්‍රයා විසින් පොල්ලකින් පහර දී මරා දැමූ හැටි 8 හැවිරිදි මුණුපුරා හෙළිකරයි – Video

වටවල – රොසැල්ල – විග්ටන් වතුයායේ පදිංචිව සිට අතුරුදන් වූ 81 හැවිරිදි වයෝවෘද්ධ මවගේ මෘත ශරීරය ඊයේ පස්වරුවේ නිවස පිටුපස තේ වත්තක අතහැර දැමූ වගා ළිඳක තිබී සොයාගෙන තිබෙනවා.

එමෙන්ම, ඝාතනය සිදුකළ බවට පැවසෙන ඇයගේ පුත්‍රයාද මේ වනවිට අත්අඩංගුවට ගෙන ඇති අතර, ඔහු විසින් සිදුකරන ලද පාපොච්චාරණයකට අනුවයි මවගේ මෘත ශරීරය සොයාගෙන ඇත්තේ.

අදාළ කාන්තාව සම්බන්ධයෙන් ඇයගේ මුණුබුරෙකු මීට පෙර පොලිසියට පාපොච්චාරණයක් සිදුකර තිබුණේ තම පියා, මව සහ සහෝදරයා විසින් මිත්තණියට පොල්ලකින් පහරදී පුටුවක ගැට ගසා, පසුව ඇයව මල්ලක බහා ත්‍රීරෝද රථයක දමා නිවසින් රැගෙන ගිය බවයි.

කෙසේ වෙතත්, පසුගිය 09 වැනිදා සිට අතුරුදන්ව සිටින මෙම කාන්තාවගේ සිරුර සොයා පොලිස් කණ්ඩායම් කිහිපයක් සහ වතු කම්කරුවන් එම වතු යායේ අදත් සෝදිසි කිරීම් සිදුකරනු ලැබූ අතර, ඊට පොලිස් නිල සුනඛයෙකුගේද සහය ලබා ගැනුණා.

අතුරුදන් කාන්තාවගේ එකම පුත්‍රයාගේ බිරිඳ පොලිසිය හමුවේ ප්‍රකාශ කර තිබුණේ තම නැන්දනිය නිවසේදී මියගිය අතර, අවසන් කටයුතු සිදුකිරීමට මුදල් නොමැති නිසා සිය සැමියා සහ 13 හැවිරිදි පුත්‍රයා දේහය කැලෑවකට විසි කරන බව පවසා එදිනම රාත්‍රියේ ත්‍රීරෝද රථයක දමාගෙන නිවසින් පිටව ගිය බවයි.

 

Leave a Reply

Your email address will not be published. Required fields are marked *